2026-mi juunimi aalisakkat qaleruallillu tunisat
Tulaassineq tassaavoq pisanut atorneqartartoq, piffissamillu pisanik usingiaaviusumik takussutissiisoq, tunisinermili pisat pineqartut qaqugukkut naatsorsuusiorneqarsimaneri aamma tunisatut nalunaarsugaasimaneri uuttortarneqartarput.
Pisanut, tulaassinernut aamma tunisinernut piffissat assigiinngissinnaammata annertussusiisa allanngorarneri tulleriittuaannanngillat.
Taamaattumillu tunisineq aningaasaqarnikkut qanoq ingerlasoqarneranik takussutissiisarpoq, tulaassinerlu aalisarnerup ingerlanneqarnerani pissusiviusunut qaninnerulluni.
Saarulliit, qalerallit kinguppaallu tonsinngorlugit juunimi tunisat, aalisarfiit malillugit
|
Suussuseq |
Aalisarfik |
2022 |
2023 |
2024 |
2025 |
2026 |
|
Saarullik .... |
Sinerissap qanittuani |
3.999 |
9.611 |
7.757 |
7.713 |
13.348 |
|
|
Avataasiorluni |
1.669 |
1.851 |
1.496 |
3.147 |
2.478 |
|
|
Katillugit |
5.668 |
11.462 |
9.253 |
10.860 |
15.826 |
|
Qaleralik ... |
Sinerissap qanittuani |
13.004 |
13.152 |
11.366 |
9.691 |
7.874 |
|
|
Avataasiorluni |
202 |
- |
202 |
3.487 |
2.676 |
|
|
Katillugit |
13.206 |
13.152 |
11.568 |
13.178 |
10.550 |
|
Kinguppaat .. |
Sinerissap qanittuani |
15.809 |
19.079 |
14.908 |
14.723 |
13.050 |
|
|
Avataasiorluni |
10.903 |
8.297 |
5.032 |
7.634 |
6.987 |
|
|
Katillugit |
26.712 |
27.376 |
19.940 |
22.357 |
20.037 |
Najoqqutaq: Naatsorsueqqissaartarfik – Kisitsisaataasivimmi kisitsisit takukkit: https://bank.stat.gl/FIN012
2026-mi juuni ilanngullugu saarulliit 15.826 tonsit tunineqarsimapput, 2022-miit 2026-mut tunisani amerlanerpaasimallutik. Sinerissap qanittuani aalisartut annerusumik saarullinnik tunisinerup qaffanneranut pissutaapput, 2025-mi 7.713 tonsiniit 2026-mi 13.348 tonsinut qaffassimagamik. Avataasiortunit saarulliit tunisat apparsimapput 2025-mi 3.147 tonsiusimasut 2026-mi 2.478 tonsiusimallutik.
2026-mi juuni ilanngullugu qalerallit tunisat katillugit 10.550 tonsiusimapput, ukiut siuliinut sanilliullugu appasinnerulluni. Sinerissap qanittuani aalisarnermit qaleralinnik tunisineq suli appariartorpoq piffissamilu pineqartumi 7.874 tonsinik tunisiffiusimavoq 2022-mi 13.004 tonsiusimasoq. Avataasiorluni aalisarnermit tunisat 2.676 tonsiupput 2025-mi qaffasikkamik 3.487 tonsiusimasut.
2026-mi juuni ilanngullugu kinguppaat tunisat katillugit 20.037 tonsiusimapput. 2025-mut sanilliullugit appasinnerupput, 2022-mut aamma 2023-mut sanilliullugit appasinnerungaatsiartut, 2024-mili tunisat annertoqatigingajallugit. 2025-miit (13.050 tonsit) 2026-mut (6.987 tonsit) sinerissap qanittuani aamma avataasiorluni aalisarnermit kinguppaat tunisat appariarput.
Piffissami 2012-imiit 2026-mi juuni tikillugu tunisat annertussusaannnut nalinginillu paasissutissat suussutsiunut, qaammatinut sumiiffinnullu immikkoortiterneqarsimasut Kisitsisaataasivimmmi nassaarineqarsinnaapput.
Saqqummersitsinissaq tulleq juulimut tunngasoq ulloq 1. septembari 2026-mi saqqummissaaq.